|
Стыль | | ранняе барока | |
| Матэрыял | | цэгла | |
| |
Фундатары | | Геранім Хадкевіч (1615), кракаўскі каштэлян Юрый Мнішак (1741) | |
| Пры пабудове | | касцёл | |
| Становішча | | паўразбураны | |
| |
Дата фотаздымкаў | | 27.09.2003 | |
| |
|
Кароткая храналогія: | |
1615 г. (1620?, 1741?) | | пабудаваны на сродкі Г. Хадкевіча на месцы драўлянага касцёла 1495 г. | |
| 1741 г. | | рэканструяваны (пабудаваны новы?) на сродкі Юрыя Мнішака | |
| 1855 г. | | адрамантаваны | |
| 1864 г. (?) | | зачынены па загаду генерал-губернатара М. Мураўёва | |
| з 1866 г. | | праваслаўная царква | |
| 192040 гг. | | касцёл | |
| у савецкі час | | закінуты, выкарыстоўваўся ў гаспадарчых мэтах | |
| 1990 г. | | вернуты католікам, пачалася рэстаўрацыя | |
| зараз (2004 г.) | | рамонт спынены, храм знаходзіцца ў паўразбураным стане | |
| |
|
Прыводзімыя ў сучасных энцыклапедычных даведніках даты пабудовы гэтага манументальнага касцёла ў Вялікай Бераставіцы не адпавядаюць сапраўднасці. Ёсць версія з большай ці меншай ступенню пераканаўчасці: ён быў узведзены ў стылі ранняга барока на сродкі ўладальніка мястэчка Гераніма Хадкевіча ў пачатку XVII стагоддзя на месцы драўлянага касцёла. Аднак шэраг даследчыкаў усё ж такі лічаць, што дата 1615 час фундацыі Геранімам Хадкевічам місіі кармелітаў у Вялікай Бераставіцы. Касцёл у той час быў яшчэ драўляным і заставаўся такім больш за сто гадоў. Аргументы прыведзены дастаткова лагічныя і пераканаўчыя. З аднаго боку, няма ніякіх дакументаў, якія б пацвярджалі існаванне каменнага храма ў гэты час. Затое з другога, ёсць | | | | Від на алтарную частку з хораў | | | | сведчанне, што кармеліцкі касцёл быў знішчаны пажарам у 1741 годзе. Сапраўды, складана ўявіць сабе пажар, здольны знішчыць гэтакі маштабны будынак з вельмі тоўстымі сценамі. Значна прасцей уявіць, што такі лёс напаткаў драўляны будынак, на месцы якога затым і пачалі будаваць храм з цэглы. Дадаткова на карысць гэтай версіі прыводзяцца такія довады навуковага характару, што, напрыклад, некаторыя прымененыя тут архітэктурныя прыёмы ўжо не існавалі ў пачатку XVII стагоддзя. Акрамя таго, касцёл, відавочна, падобны па стылістыцы і на іншыя храмы, пабудаваныя для кармеліцкіх манастыроў ужо ў XVIII стагоддзі. Шэраг архітэктурных элементаў, у тым ліку фасадных, дазваляе аднесці яго не да ранняга барока, а да стылю віленскага барока, які толькі зараджаўся. Такім чынам, па фундацыі кашталяна кракаўскага Юрыя Мнішака каменны касцёл быў усё ж такі пабудаваны толькі пасля 1741 года.
| | | | | Па суседству з касцёлам рэстаран | | | І да гэтага часу мураваная святыня з'яўляецца самым маштабным будынкам у гарадскім пасёлку. Калі ўязджаеш у Бераставіцу з боку Свіслачы, то здалёк можна ўбачыць, як горда ён узвышаецца над гарадской панарамай, як і раней застаючыся яго індывідуальнай архітэктурнай дамінантай. Зблізу ўражанне толькі ўзмацняецца: і рэстаран па суседству з храмам, і абавязковы для райцэнтра манумент Леніна на цэнтральнай плошчы сёння яны выглядаюць толькі як выпадковыя дачаснікі на фоне старога храма.
| | | | Від на касцёл зверху | | | | І гэта пры тым, што касцёл усё яшчэ застаецца ў паўразбураным стане. Хаця, у некаторых сучасных крыніцах можна сустрэць інфармацыю аб тым, што касцёл адноўлены ў 1990-х гадах і нават дзейнічае. На самой справе, гэта толькі імкненне выдаваць жадаемае за сапраўднае. Планы па аднаўленні старога касцёла, безумоўна, існуюць, ёсць і адпаведны архітэктурны праект. Нават праведзены некаторыя работы добраўпарадкоўваецца тэрыторыя побач з храмам, унутры таксама можна заўважыць сляды навядзення парадку. Аднак гэтыя работы спынены даволі даўно аб гэтым можна меркаваць па дрэвах, што выраслі ў касцёле. У цэнтральным нефе яны падняліся ўжо на ўзровень хораў. Смецця, якога звычайна дзесяцігоддзямі шмат збіралася ў закінутых будынках, зараз зусім мала. Відаць, што яго ўбралі ў тыя ж самыя 1990-я гады. Тым не менш, відавочна, што ў савецкі час храм выкарыстоўвалі ў гаспадарчых мэтах тут можна сустрэць іржавыя фрагменты нейкіх механізмаў, рэшткі тары і г. д. Зусім нечаканая канструкцыя знаходзіцца ў адным з бакавых фасадных аб'ёмаў: вузкая цагляная лесвіца ў тоўшчы сцяны пераходзіць у жалезную, са звычайнай арматуры. Па ёй можна падняцца парактычна на самы верх касцёла, дзе ў помнік архітэктуры ўманціраваны... вялікі металічны рэзервуар. Магчыма такім чынам спрабавалі выкарыстоўваць высотнае становішча храма узвышаючыся на ўзгорку над усімі будынкамі пасёлка, ён мог служыць воданапорнай вежай.
| | | | | У верасні 2003 перад касцёлам укладвалі плітку | | | Выклікае цікавасць і падземны ўзровень храма, што ўяўляе сабой разгалінаваную сістэму падвалаў, у якіх знаходзіўся крыпторыум для ганаровых пахаванняў. Вышыня падвалаў каля двух метраў, у іх сёння дастаткова чыста, што таксама з'яўляецца вынікам распачатага рамонту.
Верагодна, прыпыненне рэстаўрацыйных работ у былым касцёле ў нейкай ступені тлумачыцца тым, што ў Вялікай Бераставіцы цяпер ёсць дзеючы касцёл. Яшчэ адзін каталіцкі храм касцёл Праабражэння быў узведзены тут у 1912 годзе. У гэты час старажытны касцёл існаваў як праваслаўная царква, у якую яго царскім указам пераўтварылі яшчэ ў 1866 годзе. Пачынаючы з 1920 года, калі мястэчка апынулася на тэрыторыі Польшчы, царква зноў пачала дзейнічаць як касцёл, але праз год пасля ўстанаўлення савецкай улады, у 1940-ым, храм закрылі поўнасцю і вярнулі вернікам (зноў католікам) толькі праз паўстагоддзя ў занядбаным і паўразбураным стане.
Дарэчы, ёсць у мястэчку і царква. Прычым мураваная і пабудаваная таксама ў XVIII стагоддзі, што яшчэ раз падкрэслівае існуючую ў той час верацярпімасць. Між іншым, адносна даты пабудовы царквы таксама нельга быць абсалютна ўпэўненым. Справа ў тым, што ў сучасных крыніцах указваецца, што яна "построена в 1741 году из кирпича как костел, с 1867 православный храм". Ці не здаецца вам, што гэтыя храналагічныя звесткі неяк ужо занадта літаральна нагадваюць вышэйпададзеную біяграфію касцёла Візітацыі Прасвятой Дзевы Марыі? Таму і не будзе дзіўным, калі і ў адносінах да гэтай царквы пазней з'явяцца іншыя версіі.
| |